O pasado 3 de decembro os alumnos de 5º de Educación Primaria tiveron a segunda sesión do Programa de educación ambiental
sobre redución de residuos e consumo responsable “E ti que fas polo mundo?”.
Esta proposta está orientada a traballar co alumnado dende un cambio de
paradigma co concepto dos residuos, co fin de fomentar actitudes relacionadas
coa responsabilidade na súa separación, e sobre todo de compromiso persoal ante
a redución na xeración dos mesmos, de modo que lles permitan coñecer a
dimensión da problemática, mais empatizando cos intereses e capacidades da súa
idade.
Nesta segunda sesión propúxose fixar o cambio de actitudes e a creación de
habilidades nos nenos e nenas para lograr un aumento da separación dos residuos
nos seus fogares e unha diminución dos mesmos orientado sobre todo ao fomento
da produción de compostaxe e a eliminación de determinadas sobreembalaxes.
Para rematar o traballo co alumnado, intentouse fortalecer a asunción de compromisos
concretos para o empoderamento das actitudes respectuosas co medio ambiente,
fronte a outras que socialmente están admitidas e ben valoradas. Por pequenos
grupos os rapaces escolleron cales son os compromisos que queren asumir. Como
celebración dos compromisos adquiridos, de empoderamento cara as novas
actitudes descubertas, e de cohesión grupal orientada a boas prácticas
conxuntas levouse a cabo un “fotocol” coa frase “ E ti, que fas polo mundo?”,
na que os grupos sacáronse fotos cos carteis feitos por eles sobre os seus
propios compromisos adquiridos.
Co fin de facer
máis visible esta campaña para a cidadanía, as imaxes poden verse en https://es-es.facebook.com/etiquefaspolomundo
