Misión Océanos

Dentro das actividades programadas para o presente curso no Plan de Acción Titorial, os titores e o Departamento de Orientación planificaron a participación dos alumnos de 5º-6º EP e 1º ESO no proxecto “Misión Océanos”, centrado na problemática da contaminación mariña, motivada en gran parte polo gran volume de residuos que están a recibir diariamente os fondos mariños e que son principalmente de orixe urbana.
O principal obxectivo da actividade  foi concienciar sobre a necesidade de establecer novas condutas e hábitos de consumo para contribuír á sostenibilidade ambiental.
As actividades desenvoltas dentro deste proxecto realizáronse en dous contextos:

• Escola: paneis expositivos centrados na problemática da contaminación mariña

• Instalacións do Castelo de Santa Cruz e o areal da praia:  charla divulgativa, acompañada de obradoiros prácticos e unha saída á praia

Na páxina do cole podedes ver unha lembranza fotográfica desta actividade.

https://vimeo.com/119064097

https://vimeo.com/124518057